एलन मस्कसँग प्रधानमन्त्रीको भर्चुअल संवाद
७ मंसिर २०८१ २२:२८
अमेरिकाका खर्बपति व्यवसायी एलन मस्कसँग प्रधानमन्त्री केपी शर्मा ओलीले अहिले कुराकानी गरिरहेका छन् ।
शुक्रबार साँझ प्रधानमन्त्री ओलीले माइक्रोसफ्ट टिम्समार्फत सामाजिक सञ्जाल एक्सका मालिक समेत रहेका मस्कसँग कुराकानी गरिरहेको उनको सचिवालयले जनाएको छ ।
यद्यपि, के विषयमा कुराकानी भइरहेको छ भन्ने विषयमा खुलाइएको छैन ।
स्पेस एक्सका कम्पनीका मालिक समेत रहेका मस्कले नेपालमा स्याटेलाइट इन्टरनेट सेवा स्टार लिंक सुरु गर्न इच्छा देखाइरहेका छन् । सोहीबारे कुराकानी भइरहेको बुझिएको छ ।
प्रतिक्रिया