१६२ किलो गाँजासहित एक जना पक्राउ
२५ कार्तिक २०८१ १८:५४
प्रहरीले शनिबार राति करिब १ बजे करिब १ सय ६२ किलो गाँजासहित एक जनालाई पक्राउ गरेको छ ।
इलाका प्रहरी कार्यालय नेवारपानी मकवानपुरबाट खटिएको प्रहरीले हेटौंडा–१९, नेवारपानीस्थित पूर्वपश्चिम लोकमार्ग सडकखण्डमा गाँजा बरामद गरेको हो ।
मनहरीबाट हेटौंडातर्फ आउँदै गरेको प्रदेश ३–०१–०२४ च ६३६१ नम्बर योद्धा पिकअप चालक काभ्रेपलाञ्चोक धुलीखेल नगरपालिका वडा–१२ बस्ने वर्ष २९ का किरण वाग्लेको शरीर तथा गाडी खानतलासी गर्दा गाडीको पछाडि भागमा खाली प्लाष्टिकका क्रेटमुनि लुकाइराखिएको अवस्थामा १ सय ६२ किलो ५ सय ८० ग्राम लागुऔषध गाँजा फेला परेको हो ।
लागुऔषध, गाडीसहित वाग्लेलाई नियन्त्रणमा लिइ मकवानपुर जिल्ला अदालत हेटौंडाबाट चार दिन म्याद थप अनुमति लिइ अनुसन्धान भइरहेको छ ।
प्रतिक्रिया