राजदूत अधिकारीले गरे पाकिस्तानका प्रधानमन्त्रीसँग बिदाई भेट

पाकिस्तानका लागि नेपालका राजदूत तपस अधिकारीले पाकिस्तानका प्रधानमन्त्री मोहम्मद शहबाज सरिफसँग बिदाई भेट गरेका छन् । उनकै कार्यकक्षमा अधिकारीले बिदाई भेट गरेका हुन् ।

भेटवार्तामा नेपाल–पाकिस्तान द्विपक्षीय सम्बन्धका साथै सार्कमार्फत क्षेत्रीय सहयोगका विषयमा छलफल भएको जनाइएको छ । प्रधानमन्त्री सरिफले इस्लामावादमा नेपाल–पाकिस्तान सम्बन्धलाई थप प्रगाढ बनाउन राजदूतको भूमिकाको प्रशंसा गर्दै उअधिकारीको उज्जवल भविष्यको कामना गरे ।

बिदाई भेटमा पाकिस्तानका उपप्रधानमन्त्री तथा विदेशमन्त्री मुहम्मद इशाक दार, परराष्ट्र मामिला सम्बन्धी प्रधानमन्त्रीका विशेष सहायक तारिक फातेमीस अमना बलोच, पाकिस्तानका विदेश सचिव र पाकिस्तानी तर्फबाट वरिष्ठ अधिकारीहरू र दूतावासका मन्त्री काउन्सिलर र डेपुटी हेड अफ मिसन लोकबहादुर क्षेत्री रहेका थिए ।