आईजीपी कुँवर इन्टरपोलको ९२औं महासभामा सहभागी
२० कार्तिक २०८१ १२:०२
प्रहरी महानिरीक्षक (आईजीपी) वसन्त कुँवर अन्तर्राष्ट्रिय प्रहरी सङ्गठन (इन्टरपोल)को ९२ औँ महासभामा सहभागी भएका छन् ।
९२औं महासभा कात्तिक १९ गतेदेखि सुरु भएको छ। यो महासभा २२ गतेसम्म चल्नेछ।
महासभामा सहभागी हुन सशस्त्र प्रहरी नायव महानिरीक्षक (डीआईजी) अन्जनी कुमार पोखरेल र इन्टरपोल शाखाका प्रमुख प्रहरी उपरीक्षक (एसपी) कोमल शाहसमेत बेलायत प्रस्थान गरेका छन्।
इन्टरपोलका सबै १९६ सदस्य राष्ट्रका प्रतिनिधि सहभागी हुने उक्त महासभामा इन्टरपोलका महत्वपूर्ण नीतिगत विषयमा मतदानद्वारा निर्णय गर्ने प्रावधान छ।
आईजी कुँवरको अनुपस्थितिमा नेपाल प्रहरीको कार्यबाहक संगठन प्रमुखको जिम्मेवारीमा एआईजी टेकप्रसाद राईले काम गरिरहेका छन्।
सम्बन्धित समाचार
प्रतिक्रिया