जुवाको खालबाट नगद ९ लाखसहित १५ जना पक्राउ

प्रहरीले नौ लाख ६८ हजार नगदसहित १५ जनालाई पक्राउ गरेको छ । बराहक्षेत्र नगरपालिका-३ नडाहास्थित एक घरमा जुवा खेलाइरहेको सूचना प्राप्त भएपछि धरानबाट परिचालन भएको प्रहरीको टोलीले नगदसहित पक्राउ गरेको हो ।

जिल्ला प्रहरी कार्यालय धरानका प्रमुख सुमनकुमार तिमिल्सिनाका अनुसार जुवाको खालबाट १२ थान मोबाइल पनि बरामद गरिएको छ । उनीहरूलाई महेन्द्रनस्थित इलाका प्रहरी कार्यालयमा राखेर अनुसन्धान थालिएको छ ।