सत्तारुढ दलको वैठक बस्दै, के छन् एजेण्डा ?

सत्तारुढ दलहरुको बैठक आज (शुक्रबार) बस्दैछ । बैठक आज दिउँसो ३ बजे प्रधानमन्त्रीको सरकारी निवास बालुवाटारमा बस्ने छ ।

बैठकमा पछिल्ला समसामयिक राजनीतिक विषयहरूमा छलफल हुने जनाइएको छ ।

नेपाली कांग्रेसलगायत दलहरूको समर्थनमा  गत असार ३० गते मुलुकको प्रधानमन्त्री बनेका प्रधानमन्त्री केपी शर्मा ओलीले बुधबार सरकारको सय दिने उपलब्धी सार्वजनिक गरेका छन् । उनीसँगै सत्तारुढ दलले पनि सरकारको १०० दिने कामबारे साझा धारणा सार्वजनिक गर्ने तयारी गरेको छ । आजको बैठक पनि त्यसतर्फ केन्द्रित रहने देखिन्छ । बैठकमा पछिल्लो राजनीतिक घटनाक्रम तथा अन्य समसामयिक विषयमा छलफल हुने बताइएको छ ।