प्रधानमन्त्री ओलीलाई भेट्न देउवा बालुवाटारमा
४ कार्तिक २०८१ २०:२९
प्रधानमन्त्री केपी शर्मा ओलीलाई भेट्न नेपाली काँग्रेसका सभापति शेरबहादुर देउवा बालुवाटार पुगेका छन् ।
सभापति देउवा आएपछि नेकपा एमालेका अध्यक्ष एवं प्रधानमन्त्री ओलीसँग भेटवार्ता सुरु भएको छ । देउवा बालुवाटार आउने भएपछि प्रधानमन्त्री ओली पार्टी सचिवालयको बैठक छोट्याएर बालुवाटार फर्किएका थिए ।
साँझ सात बजे भेटवार्ताको समय तय भएको थियो । देउवा आउने भएपछि प्रधानमन्त्री ओली च्यासलबाट बेलैमा बालुवाटार फर्किएका थिए ।
तर देउवा भर्खरै आएपछि भेटवार्ता सुरु भएको हो । एमाले सचिवालय बैठक स्रोतका अनुसार देउवासँग सरकारकै नियमित कामकारबाहीबारे छलफल हुने प्रधानमन्त्री ओलीले जानकारी दिएका छन् ।
प्रतिक्रिया