रवि लामिछाने पक्राउविरुद्ध रास्वपाले पोखरा र काठमाडौंमा प्रदर्शन गर्दै

शुक्रबार साँझ रास्वपाको पार्टी कार्यालय वनस्थलीबाट उनलाई प्रहरीले पक्राउ गरेर पोखरा लगिएको थियो । सडकमार्ग हुँदै शनिबार बिहान ३ बजे पोखरा पुराइएका लामिछानेलाई अहिले जिल्ला प्रहरी कार्यालय कास्कीको हिरासतमा राखिएको छ ।

जिल्ला अदालत कास्कीले उनीसहित १४ जनाविरुद्ध पक्राउ पुर्जी जारी गरेको थियो । रविविरुद्ध जिल्ला प्रहरी कार्यालय कास्कीले संगठित अपराध र सहकारी ठगीमा मुद्दा चलाउनेछ । आज शनिबार भएकाले रविलाई भोलि आइतबारमात्रै अदालतमा उपस्थित गराइने भएको छ ।