छविलाल जोशीलाई थप २० दिन हिरासतमा राख्न अदालतको अनुमति

सहकारीको रकम अपचलन मुद्दामा पक्राउ परेका नेपाल प्रहरीका पूर्व डीआइजी छविलाल जोशीमाथि अनुसन्धान गर्न जिल्ला अदालत कास्कीले थप २० दिनको अनुमति दिएको छ ।

शुक्रबार अदालतले उनलाई असोज १७ गतेदेखि लागू हुने गरी २० दिन म्याद थप गरेको हो । अदालत बन्द भएका कारण उनको १७ गतेदेखि नै म्याद थप हुन सकेको थिएन । असोज ६ मा पक्राउ परेका उनीविरुद्ध यसअघि पनि अदालतले पहिलो पटक पाँच दिन र दोस्रो पटक सात दिन म्याद थप गरेको थियो ।