वीपी राजमार्गमा भोलिदेखि रुट अनुमति लिएका गाडीहरू चल्ने
२८ असोज २०८१ १४:०७
फाइल फोटो
वीपी राजमार्गमा भोलि (मंगलबार)देखि रुट अनुमति लिएका गाडीहरू चल्ने भएको छ ।
सडक डिभिजन, भक्तपुरका अनुसार बाढी तथा पहिरोले क्षतिग्रस्त बनेको राजमार्गमा ट्र्याक खोलेर साना गाडीहरू चल्न दिइएको छ ।
साँझसम्म सुधार गरेपछि अनुमति प्राप्त सवारी साधन सावधानी पूर्वक सञ्चालन गर्न दिन लागिएको बताइएको छ ।
भकुन्डेबेसी बर्षेखोला खण्डमा अहिले पनि सुख्खा पहिरो झर्ने जोखिम छ । रातको समयमा यात्रा नगर्न समेत सबैलाई आग्रह गरेको छ । वीपी राजमार्गमा साना सवारी मात्र सावधानीपूर्वक सञ्चालन गर्न आग्रह गरेको छ ।
प्रतिक्रिया