८३ कैदीबन्दीले आफन्तको हातबाट टीका लगाए
२७ असोज २०८१ ७:३५
बडादसैँमा तनहुँ कारागारका ८३ जना कैदीबन्दीले आफन्तको हातबाट टीका लगाएका छन् । कारागारमा शनिबार साँझ ५ः३० बजेसम्म टीका लगाउने व्यवस्था मिलाइएको थियो ।
सो क्रममा ८३ जना कैदीबन्दीले टीका लगाएको तनहुँ कारागारका प्रमुख नारायण अधिकारीले जानकारी दिए । उनले भने, “दुई सय ३७ जना आफन्तजनले कैदी बन्दीसँग भेट गर्दै दसैँ मनाएका छन् । दसैँ मनाउन पाउँदा कैदी बन्दी खुसी भएका छन् ।’’
केही कैदीबन्दीले मुडा विक्री गरेर समेत दसैँ खर्च जुटाएका थिए । तनहुँ कारागारमा तीन सय ३० कैदी बन्दी छन् । उनीहरूलाई कारागारभित्र रहेका दुई वटा ब्लकमा व्यवस्थापन गरिएको छ ।
सम्बन्धित समाचार
प्रतिक्रिया