प्रधानन्यायाधीश प्रकाशमानसिंह राउतको नियुक्ति र शपथ आज हुँदै

नवनियुक्त प्रधानन्यायाधीश प्रकाशमानसिंह राउतको नियुक्ति आज हुँदैछ । नियुक्तसँगै शपथ पनि आजै हुने भएको छ ।

राष्ट्रपति रामचन्द्र पौडेलले आज राउतलाई प्रधानन्यायाधीशमा नियुक्त गर्ने र शीतल निवासमा पद तथा गोपनीयताको शपथ खुवाउने कार्यक्रम तय भएको छ । शपथ ग्रहण कार्यक्रम दिउँसो साढे १ बजे निर्धारण गरिएको छ ।

संसदीय सुनुवाइ समितिले १६ असोजमा राउतको नाम अनुमोदन गरेको थियो । राउत साढे एक वर्ष प्रधानन्यायाधीश रहनेछन् ।