हिमालय शमशेरको सम्झनामा भारतीय गभर्नरको सम्बोधन

भारतीय रिजर्भ बैंकका गभर्नर शशिकान्त दासले काठमाडौंमा आयोजित फर्स्ट हिमालय शमशेर मेमोरियल लेक्चरलाई सम्बोधन गरेका छन् । नेपाल राष्ट्र बैंकले आयोजना गरेको लेक्चरको एक्काइसौं शताब्दीको केन्द्रीय बैंक सम्बन्धी शीर्षकलाई सम्बोधन गर्न दास काठमाडौं आएका हुन् ।

नेपाल राष्ट्र बैंकका प्रथम गभर्नर हिमालय शमशेर जबराको साढे २ वर्षअघि निधन भएको हो । ९५ वर्षीय जबराको २०७९ माघ २२ गते बिहान निधन भएको थियो । १४ वर्षको उमेरमा मेट्रिक पास गरेका राणा नेपाल सरकारको सचिव हुँदै राष्ट्र बैंकको पहिलो गर्भनर बनेका थिए । उनी २०१३ वैशाख १४ देखि २०१७ माघ २५ सम्म नेपाल राष्ट्र बैंकमा गभर्नर थिए ।

दास नेपाल वायुसेवाको उडान नम्बर आरए २१८ मा अस्ति साँझ काठमाडौं आएका हुन् । होटल द्वारिकामा बसेका भारतीय गभर्नर हिजो बिहान पशुपतिनाथ दर्शनका लागि गएका थिए ।

भोलि दिउँसो ३ बजे इण्डिगो एअरको उडान नम्बर ६इ११५८ मा मुम्बई फिर्ता हुने कार्यक्रम छ ।