भारतीय पर्यटक बोकेको बस मर्स्याङ्दी नदीमा खस्यो, उद्धार कार्य जारी
७ भदौ २०८१ १२:५४
फाइल फोटो
तनहुँको आँबुखैरेनीस्थित ऐना पहारामा भारतीय पर्यटक बोकेको बस मर्स्याङ्दी नदीमा खसेको छ ।
पोखरादेखि काठमाडौँका लागि छुटेको युपी ५३ एफटी ७६२३ नम्बरको बस तनहुँका प्रमुख जिल्ला अधिकारी जनार्दन गौतमले जानकारी दिए ।
प्रमुख जिल्ला अधिकारी गौतमका अनुसार अहिले घटनास्थलबाट सेना प्रहरीले उद्धारको काम गरिरहेको छ ।
सशस्त्र प्रहरी बल नेपाल विपद् व्यवस्थापन तालिम शिक्षालयबाट एसएसपी माधव पौडेलको कमान्डमा १० जना गोताखोरसहित ४५ जना र २३ नम्बर मनकामना गण भानु तनहुँबाट ३५ जनाको टोली उद्धारमा परिचालन गरिएको छ । घटनास्थल भिरालो र अप्ठ्यारो भएकाले उद्धारकर्ता डोरीको सहायताले बस भएको स्थानसम्म पुगेर उद्धारमा सक्रिय छन् ।
सो बसमा करिब ४० जना यात्रु थिए । दुर्घटनाको कारण खुलेको छैन । थप विवरण आउन बाँकी छ ।
विकसित भइरहेकाे समाचार
सम्बन्धित समाचार
प्रतिक्रिया