सर्वाेच्चद्वारा टीआरसी विधेयकविरूद्धको रिट दर्ता गर्न अस्वीकार
३० साउन २०८१ १७:०७
सर्वोच्च अदालतले संक्रमणकालीन न्यायका लागि सत्य निरूपण तथा मेलमिलाप आयोग ऐन (टीआरसी) लाई संशोधन गर्न बनेको विधेयकका विरूद्धमा परेको रिट दर्ता गर्न अस्वीकार गरेको छ ।
सर्वोच्च अदालत प्रशासनले बुधबार उक्त रिट निवेदन दरपीठ गरेको हो ।
टीआरसी ऐनलाई संशोधन गर्न बनेको विधेयकमा मानव अधिकार उल्लंघन र मानव अधिकार उल्लंघनका घटनालाई छुट्याएको र ७५ प्रतिशतसम्म सजाय मिनाहा गर्न सकिने जस्ता व्यवस्था पीडकमैत्री भएको भन्दै निवेदनमा विरोध गरिएको थियो ।
रिटमा १८ वर्षसम्म द्वन्द्वकालीन घटनामा न्याय हुन नसक्दा आज संसदमा पेस भएको संशोधन विधेयकले पीडितलाई न्यायको अनुभूति नगराउने भन्दै विधेयक रोक्न माग गरिएको छ ।
प्रतिक्रिया