भारतीय विदेशसचिव मिस्रीले गरे नेपाल भाषा परिषद्को भवन उद्घाटन
२७ साउन २०८१ १४:१२
भारतीय विदेशसचिव विक्रम मिस्रीले नेपाल भाषा परिषद्को नवनिर्मित भवनको उद्घाटन एवं अवलोकन गरेका छन् ।
दुईदिने नेपाल भ्रमणका क्रममा आइतबार बिहान काठमाडौं आइपुगेका उनले नरदेवीस्थित नेपाल भाषा परिषद्को नयाँ भवनको उद्घाटन एवं अवलोकन गरेका हुन् । सो भवन भारत सरकारको सहयोगमा निर्माण गरिएको हो ।
परराष्ट्रसचिव सेवा लम्सालको निमन्त्रणमा काठमाडौं आएका मिस्रीले राष्ट्रपति रामचन्द्र पौडेल र प्रधानमन्त्री केपी शर्मा ओलीसँग भेटवार्ता गर्ने कार्यतालिका छ ।
त्यस्तै उपप्रधानमन्त्री एवं शहरी विकासमन्त्री प्रकाशमान सिंह, उपप्रधानमन्त्री एवं अर्थमन्त्री विष्णुप्रसाद पौडेल र गृहमन्त्री रमेश लेखकसँग भेट गर्ने कार्यक्रम रहेको छ ।
विदेशसचिव भएपछि मिस्रीको यो पहिलो नेपाल भ्रमण हो । आज साँझ परराष्ट्रसचिव लम्सालले समकक्षी मिस्रीलाई रात्रिभोज दिने कार्यक्रम पनि छ ।
सोमबार बिहान परराष्ट्रमन्त्री डा. आरजु राणा देउवासँग भेट गरी सोमबार साँझ उनी स्वदेश फर्किने कार्यक्रम छ ।
सम्बन्धित समाचार
प्रतिक्रिया