मधुकरसिंह कार्की उपरथीमा बढुवा
२४ साउन २०८१ १८:३४
नेपाली सेनामा सहायक रथी, महासेनानी, प्रमुख सेनानी र आक्टिङ महासेनानीको बढुवा भएको छ ।
साउन १२ गतेको मन्त्रिपरिषद बैठकले सेनाका १ जना सहायक रथीलाई उपरथी पदमा, ४ जना महासेनानीलाई सहायक रथी पदमा, १ जना प्रमुख सेनानीलाई महासेनानी पदमा र १ जना आक्टिङ महासेनानीलाई महासेनानी पदमा बढुवा गर्ने निर्णय गरेको हो ।
सैनिक उच्च स्रोतका अनुसार सहायक रथी मधुकरसिंह कार्की उपरथीमा बढुवा भएका हुन् ।
यस्तै महासेनानी अमृतकाजी गुरूङ, जगदीश खड्का, चुलेन्द्र थापा सहायक रथीमा बढुवा भएका हुन् ।
प्राविधिक समूहका महासेनानी डा. समीर अर्याल पनि सहायक रथीमा बढुवा भएका हुन् ।
प्रतिक्रिया