भारतका प्रसिद्ध कथावाचक अनिरूद्धाचार्य महाराज काठमाडौंमा
१९ साउन २०८१ १५:०६
फाइल तस्बिर ।
भारतका प्रसिद्ध कथावाचक अनिरूद्धाचार्य महाराज काठमाडौं आइपुगेका छन् ।
पशुपतिमा जारी एकमहिने कोटिहोममा सहभागी हुन उनी शनिबार बिहान त्रिभुवन अन्तर्राष्ट्रिय विमानस्थलमा अवतरण गरेका हुन् ।
वाचक अनिरूद्धाचार्यले शनिबार दिउँसो पशुपतिनाथ मन्दिरको दर्शन गर्नुका साथै पशुपति कोटिहोम महायज्ञमा आशीर्वचन पनि राख्नेछन् ।
उनी सपरिवार नेपाल आएको र कथा प्रवचन गर्ने कार्यक्रम रहेको महायज्ञका संकल्पकर्ता बालयोगेश्वर विजयकृष्ण मूर्ति जी महाराजले बताए । डेढ घण्टाको प्रवचन दिएर अनिरूद्धाचार्य महाराज भारत प्रस्थान गर्ने कार्यसूची छ ।
भारतको मध्यप्रदेशमा जन्मिएका अनिरूद्धाचार्य महाराज कथा प्रवचनको क्षेत्रमा लोकप्रिय वाचक हुन् ।
उनको प्रवचन सुन्न हरेक कार्यक्रममा लाखौं भक्तजनहरूको सहभागिता हुने गरेको छ ।
सम्बन्धित समाचार
प्रतिक्रिया