ओली मन्त्रिपरिषद पूर्ण, तीन राज्यमन्त्री नियुक्त
१८ साउन २०८१ १३:५८
नेकपा (एमाले) का अध्यक्षसमेत रहेका प्रधानमन्त्री केपी शर्मा ओली नेतृत्वको मन्त्रिपरिषदले पूर्णता पाएको छ ।
प्रधानमन्त्री ओलीको सिफारिसमा राष्ट्रपति रामचन्द्र पौडेलले शुक्रबार तीन जना राज्यमन्त्री नियुक्त गरेका छन् । यससँगै २५ सदस्यीय मन्त्रिपरिषदले पूर्णता पाएको हो ।
उनले कांग्रेसबाट दुई र नागरिक उन्मुक्ति पार्टी (नाउपा) बाट एक राज्यमन्त्री नियुक्त गरेका हुन् ।
कांग्रेसबाट रूपा विक र पूर्णबहादुर तामाङ तथा नाउपाबाट अरूण चौधरी राज्यमन्त्री नियुक्त भएका हुन् ।
विक वन तथा वातावरण, तामाङ ऊर्जा, जलस्रोत तथा सिँचाइ र चौधरी संस्कृति, पर्यटन तथा नागरिक उड्डयन राज्यमन्त्री बनेका छन् ।
नवनियुक्त राज्यमन्त्रीहरूको शपथ पनि आजै हुने राष्ट्रपति कार्यालय स्रोतले जनाएको छ ।
सम्बन्धित समाचार
प्रतिक्रिया