एमाले सचिवालय बैठक
एमालेले पाँच प्रदेशमा इन्चार्ज फेर्याे, दुईमा पुरानैलाई निरन्तरता
१७ साउन २०८१ १६:५८
सत्तारूढ नेकपा (एमाले) ले सातै प्रदेशमा इन्चार्ज तोकेको छ । पाँच प्रदेशमा पुरानालाई हटाएर नयाँलाई जिम्मेवारी र दुई प्रदेशमा पुरानैलाई निरन्तरता दिइएको छ ।
बिहीबार बसेको पार्टी सचिवालय बैठकले सातवटै प्रदेशमा इन्चार्ज तोकेको महासचिव शंकर पोखरेलले जानकारी दिए ।
उनका अनुसार कोशीमा शेरधन राई, मधेसमा लिलानाथ श्रेष्ठ, बागमतीमा राजन भट्टराई, गण्डकीमा किरण गुरूङ, लुम्बिनीमा पद्मा अर्याल, कर्णालीमा गोरख बोगटी र सुदूरपश्चिममा लेखराज भट्ट इन्चार्ज तोकिएका छन् ।
अर्याल र भट्ट दाेहोरिँदा अरू प्रदेश इन्चार्ज फेरिएका हुन् ।
त्यस्तै पार्टीले उपाध्यक्षमा गुरू बराल, स्थायी कमिटी सदस्यमा लिलानाथ श्रेष्ठ र मुकुन्द न्यौपानेलाई मनोनित गरेको छ भने १७ जनालाई केन्द्रीय कमिटीमा मनोनित गरेको छ ।
सम्बन्धित समाचार
प्रतिक्रिया