पोखरामा स्कुल बस दुर्घटना हुँदा एकको मृत्यु, २९ जना घाइते

पोखरा महानगरपालिका-२१ छरछरेमा सोमबार स्कुल बस दुर्घटना हुँदा एक कर्मचारीको मृत्यु भएको छ । विद्यार्थी लिएर फर्कंदै गरेको पोखरा-१७ विरौटामा रहेको एलपी देवकोटा मेमोरियल स्कुलको ग१क ६२१९ नम्बरको बस दुर्घटना हुँदा विद्यालयकी कार्यालय सहयोगी ३५ वर्षीया आरती विकको मृत्यु भएको हो ।  त्यस्तै दुर्घटनामा २९ जना घाइते भएका छन् ।

बसमा चालक, २८ विद्यार्थी र एक कर्मचारी सवार थिए । रामदीबाट विरौटा फर्कने क्रममा बस घुम्तीबाट झन्डै ५० मिटर तल खसेको थियो ।