![Pardafas.com](https://www.pardafas.com/wp-content/uploads/2022/06/pardafas-logo.png)
जसपा नेपाल केन्द्रीय समितिको बैठक साउन २७ गतेदेखि
![clock](https://www.pardafas.com/wp-content/themes/pardafas/assets/img/clock-icon.png)
![जसपा नेपाल केन्द्रीय समितिको बैठक साउन २७ गतेदेखि](https://www.pardafas.com/wp-content/uploads/2022/12/JaSaPa.jpg)
जनता समाजवादी पार्टी, नेपालको केन्द्रीय समितिको बैठक यही साउनको अन्तिम साता बस्ने भएको छ ।
जसपा अध्यक्ष उपेन्द्र यादवले आज बैठक सम्बन्धमा विज्ञप्तिमार्फत जानकारी दिँदै साउन २७, २८, २९ र ३० गते बालकुमारीस्थित पार्टी केन्द्रीय कार्यालयमा बैठक बस्ने जनाएका हुन्। बैठकमा एकताको राष्ट्रिय महाधिवेशनले तय गरेका वैचारिक, सैद्धान्तिक अवधारणा, वर्तमान राष्ट्रिय राजनीतिक परिस्थितिमा पार्टीले खेल्नुपर्ने भूमिकाबारे छलफल हुने विज्ञप्तिमा उल्लेख छ ।
यस्तै, वर्तमान भू–राजनीतिक अवस्था र नेपालको परराष्ट्र नीति तथा सम्बन्धलगायत विषयहरूमा अभिमुखीकरणसमेत दिइनेछ । साथै पार्टीको आगामी वैचारिक, राजनीतिक, सङ्गठनात्मक कार्ययोजना तथा कार्यक्रमलगायत विषयहरूमा छलफल गरी आवश्यक निर्णय गरिने पनि अध्यक्ष यादवले बताए ।
प्रतिक्रिया