![Pardafas.com](https://www.pardafas.com/wp-content/uploads/2022/06/pardafas-logo.png)
कोशी सरकारबाट बाहिरियो माओवादी
![clock](https://www.pardafas.com/wp-content/themes/pardafas/assets/img/clock-icon.png)
नेकपा (माओवादी केन्द्र) कोशी प्रदेश सरकारबाट बाहिरिएको छ । माओवादीका मन्त्रीहरूले शुक्रबार पदबाट राजीनामा दिएका छन् ।
मन्त्रीहरूले राजीनामा दिए पनि माओवादीले सरकारलाई दिएको समर्थन भने फिर्ता लिएको छैन ।
मुख्यमन्त्री हिक्मत कार्कीकै आग्रहमा अहिलेसम्म सरकारमा बसेको मुख्यमन्त्रीले प्रदेशमा सहमतिको सरकार नबन्ने भनेपछि मन्त्रीहरूले राजीनामा दिएको माओवादी संसदीय दलका नेता इन्द्र आङ्बोले बताए ।
सरकारलाई दिएको समर्थन पनि चाँडै फिर्ता लिइने उनले बताए ।
एमाले संसदीय दलका नेता हिक्मत कार्की नेतृत्वमा गत वैशाख २७ गते सरकार गठन भएको थियो । उक्त सरकारमा माओवादीबाट भौतिक पूर्वाधार मन्त्री गणेश उप्रेती, वन वातावरण तथा पर्यटनमन्त्री नारायण मगर, स्वास्थ्यमन्त्री राजेन्द्र कार्की र वन वातावरण तथा पर्यटन राज्यमन्त्री बन्दना झाँगर थिए ।
चारै जना मन्त्रीहरूले अलगअलग राजीनामा पत्र तयार पारेर मुख्यमन्त्रीलाई बुझाउने तयारी गरेका छन् ।
कोशीमा अब एमाले नेतृत्वको सरकारमा नेपाली कांग्रेस सहभागी हुनेछ ।
प्रतिक्रिया