![Pardafas.com](https://www.pardafas.com/wp-content/uploads/2022/06/pardafas-logo.png)
नेपाल प्रहरीका नवनियुक्त ६७ इन्स्पेक्टरले पाए दर्ज्यानी चिह्न
![clock](https://www.pardafas.com/wp-content/themes/pardafas/assets/img/clock-icon.png)
![नेपाल प्रहरीका नवनियुक्त ६७ इन्स्पेक्टरले पाए दर्ज्यानी चिह्न](https://www.pardafas.com/wp-content/uploads/2024/07/inspector-darjyani.jpg)
नेपाल प्रहरीमा जनपद समूहतर्फ नवनियुक्त ६७ जना प्रहरी निरीक्षक (इन्स्पेक्टर) हरूलाई दर्ज्यानी चिह्न प्रदान गरिएको छ ।
खुला प्रतियोगिताद्वारा नवनियुक्त ९६ मध्ये विभागीयतर्फका ६७ जना प्रहरी निरीक्षकहरूलाई दर्ज्यानी चिह्न प्रदान गरिएको हो ।
मानवस्रोत विकास विभागका प्रमुख प्रहरी अतिरिक्त महानिरीक्षक (एआईजी) भीमप्रसाद ढकालले प्रहरी प्रधान कार्यालयमा बुधबार आयोजित कार्यक्रममा उनीहरूलाई दर्ज्यानी चिह्न लगाइदिएका हुन् ।
२०८० कात्तिक ३ गते प्रकाशित विज्ञापनअनुसार खुला प्रतियोगिताको २०८१ असार ९ गते प्रकाशित अन्तिम नतिजामा विभागीयतर्फ ६७ र खुलातर्फ २९ जना गरी ९६ जना प्रहरी निरीक्षकमा उत्तीर्ण भएका छन् । जसमा ९ जना महिला छन् ।
नेपाल सरकार गृह मन्त्रालय सचिवस्तरको २०८१ साउन ३ गतेको निर्णयले साउन ९ गतेदेखि लागू हुनेगरी उनीहरू प्रहरी निरीक्षक पदमा नियुक्त भएका हुन् ।
Shiva Paswan