सौर्य एयर दुर्घटनाको शोकमा बिहीबार आधा झण्डा झुकाइने
पाँच सदस्यीय जाँचबुझ आयोग गठन, विमानहरूको अनिवार्य प्राविधिक परीक्षण गर्न निर्देशन
९ साउन २०८१ १८:३६
फाइल तस्बिर ।
सरकारले बुधबार बिहान भएको सौर्य एयरलाइन्सको विमान दुर्घटनामा ज्यान गुमाएकाहरूको शोकमा भोलि (बिहीबार) राष्ट्रिय झण्डा आधा झुकाउने निर्णय गरेको छ ।
बुधबार बसेको मन्त्रिपरिषद्को आकस्मिक बैठकले दुर्घटनाको शोक मनाउने निर्णय गरेको हो ।
सरकारका प्रवक्ता एवं सञ्चारमन्त्री पृथ्वीसुब्बा गुरूङका अनुसार दुर्घटना छानबिनका लागि पाँच सदस्यीय जाँचबुझ आयोग गठन गरिएको छ भने विमानहरूको अनिवार्य प्राविधिक परीक्षण गर्न निर्देशन दिइएको छ ।
बुधबार बिहान काठमाडौंबाट पोखराका लागि उडेको सौर्य एयरलाइन्सको विमान त्रिभुवन अन्तर्राष्ट्रिय विमानस्थल परिसरमै दुर्घटना हुँदा १८ जनाको मृत्यु भएको थियो भने पाइलट गम्भीर घाइते भएका छन् ।
प्रतिक्रिया