मन्त्रीलाई बधाई दिन राजदूतहरू कार्यालय पुग्नुपर्ने जरूरत छैन : रवीन्द्र मिश्र
५ साउन २०८१ १९:३२
फाइल तस्बिर।
राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले नवनियुुक्त मन्त्रीहरूलाई बधाई दिने नाममा देखिएको विदेशी राजदूतहरूको सक्रियतामाथि आपत्ति जनाएका छन् ।
नेपालमा कार्यरत विदेशी राजदूतहरूलाई सामाजिक सञ्जालमा खुलापत्र लेख्दै मिश्रले कूटनीतिक आचरण पलान गर्न आग्रह गरेका छन् ।
मिश्रले लेखेका छन्, ‘केही अपवादबाहेक हाम्रा राजनीतिज्ञहरूको कूटनीतिक, पेसागत र नैतिक स्तर एकदमै न्यून छ भन्ने कुरा तपाईं सबैलाई थाहा छ । जे होस्, उनीहरूको मापदण्ड कम भएकाले भेटघाट र सम्पर्क गर्दा तपाईंले सामान्य कूटनीतिक प्रोटोकलहरूलाई बेवास्ता गर्न सक्नुहुन्छ भन्ने होइन ।’
Dear Ambassadors to Nepal,
You all are aware of the fact that, apart from some exceptions, the diplomatic, professional and ethical standards of our politicians are very low.
However, just because their standards are low does not mean that you can ignore the usual diplomatic… pic.twitter.com/26GeQUruaD
— Rabindra Mishra (@RabindraMishra) July 20, 2024
उनले नेपाली नेताहरू कमसल हुँदैमा नेपालमा आएर राजदूतहरूले कूटनीतिक आचरण मिच्न नहुने बताएका छन् ।
‘निराशाजनक कुरा यो छ कि तपाईंहरूमध्ये धेरैले नवनियुक्त मन्त्रीहरूलाई सिधै भेटेर बधाई दिनुहुन्छ । यसको कुनै जरूरत छैन । यस्तो कुरा तपाईंहरूको देशमा हुँदैन,’ मिश्रको खुलापत्रमा लेखिएको छ ।
नेपालका राजदूतहरूले मन्त्रीहरूसँगको सिधा सम्बन्ध भएकामा गर्व गर्नुमा कुनै तुक नभएको भन्दै नेता मिश्रले यसो हुनुमा नेपाली नेताहरूकै दोष भए तापनि राजदूतहरूको पनि यसमा कूटनीतिक सभ्यपना नदेखिएको बताएका छन् ।
प्रतिक्रिया