![Pardafas.com](https://www.pardafas.com/wp-content/uploads/2022/06/pardafas-logo.png)
पूर्वप्रधानमन्त्री चन्दलाई भेट्न वीर अस्पताल पुगे उद्योगमन्त्री भण्डारी
![clock](https://www.pardafas.com/wp-content/themes/pardafas/assets/img/clock-icon.png)
![पूर्वप्रधानमन्त्री चन्दलाई भेट्न वीर अस्पताल पुगे उद्योगमन्त्री भण्डारी](https://www.pardafas.com/wp-content/uploads/2024/07/damodar-bhandari-meet-lokendra-bahadur-chand.jpg)
उद्योग, वाणिज्य तथा आपूर्तिमन्त्री दामोदर भण्डारीले पूर्वप्रधानमन्त्री लोकेन्द्रबहादुर चन्दलाई भेटेर स्वास्थ्य लाभको कामना गरेका छन् ।
बिहीबारदेखि वीर अस्पताल उपचाररत ८५ वर्षीय पूर्वप्रधानमन्त्री चन्दलाई निमोनियाको समस्या देखिएपछि अस्पताल भर्ना गरिएको उनका छोरा अरूण चन्दले जानकारी दिए । उनका अनुसार अहिले स्वास्थ्यमा क्रमिक सुधार भइरहेको र मङ्गलबारसम्म ‘डिस्चार्ज’ हुने अपेक्षा गरिएको छ ।
नेपाल कम्युनिष्ट पार्टी (एमाले) सुदूरपश्चिम प्रदेशका सचिव रणबहादुर चन्दसहित पुगेका उद्योगमन्त्री भण्डारीले पूर्वप्रधानमन्त्री चन्दको स्वास्थ्य लाभको कामना गर्दै घर फर्किएपछि मन्त्रालयका लागि सुझाव लिन निवासमै आउने समेत बताएका थिए ।
प्रतिक्रिया