![Pardafas.com](https://www.pardafas.com/wp-content/uploads/2022/06/pardafas-logo.png)
बिचौलियाका कारण अन्डाको मूल्य अकाशियो, किसान र उपभोक्ता मारमा
![clock](https://www.pardafas.com/wp-content/themes/pardafas/assets/img/clock-icon.png)
![बिचौलियाका कारण अन्डाको मूल्य अकाशियो, किसान र उपभोक्ता मारमा](https://www.pardafas.com/wp-content/uploads/2023/06/egg-2023.jpg)
विचौलियाका कारण अन्डाको मूल्य अकाशिएको छ । एउटा अन्डामा पाँच रुपैयाँसम्म नाफा लिने गरेपछि किसान र उपभोक्ता मारमा परेका हुन् ।
यसरी जथाभावी रूपमा मूल्य असुले पनि विचौतियासँग मिलोमतो गरी नियामक निकाय भने मौन बसेको उपभोत्ताको आरोप छ । अन्डाको लागत मूल्य नपाएपछि किसान विस्थापित हुन थालेका छन् । यो बिचमा अन्डाको मूल्यवृद्धि भएको छ तैपनि किसानको लागत उठ्न सकेको छैन ।
केही महिनाअघि अन्डाको लागत मूल्य प्रतिगोटा १६ रुपैयाँ ५६ पैसा निकालेको थियो । फार्म मूल्य ठूलो प्रतिगोटा १६ रुपैयाँ ३३ पैसा र मध्यम अन्डाको मूल्य १६ कायम गरेको छ । यो मूल्य लागत मूल्यको नजिक हो तर फाइदा नभएको पोल्ट्री व्यवसायी मञ्चका अध्यक्ष रघुनाथ भट्टले बताए । दिनदिनै व्यवसाय घाटामा गएपछि किसान विस्थापित हुँदै गएको उनले बताए ।
करिब ७५ प्रतिशत किसान यो व्यवसायबाट विस्थापित भएका छन् । कोही ऋण लिएर व्यवसाय चलाइरहनुभएको छ भने कोही लिएको ऋण तिर्न नसक्दा अन्डा उत्पादन गर्ने व्यवसायबाट नै विस्थापित भएको उनले बताए । आजको गोरखापत्र दैनिकमा खबर छ ।
प्रतिक्रिया