![Pardafas.com](https://www.pardafas.com/wp-content/uploads/2022/06/pardafas-logo.png)
वायुसेवा निगमद्वारा दुई कोषलाई ४३ करोड भुक्तानी
![clock](https://www.pardafas.com/wp-content/themes/pardafas/assets/img/clock-icon.png)
![वायुसेवा निगमद्वारा दुई कोषलाई ४३ करोड भुक्तानी](https://www.pardafas.com/wp-content/uploads/2023/12/bayu-sewa-nigam.jpg)
नेपाल वायुसेवा निगम (नेपाल एअरलाइन्स)ले जहाज खरिदको किस्तावापतको ४३ करोड नौ लाख ५५ हजार २८१ रुपैयाँ भुक्तानी गरेको छ। निगमका प्रवक्ता रमेश पौडेलका अनुसार दुई न्यारोबडी जहाजको असार महिनाको किस्ताबापत पूरा र वाइडबडी जहाजको आंशिक गरी असार मसान्तसम्मको रकम भुक्तानी गरेको हो।
निगमले कर्मचारी सञ्चय कोष र नागरिक लगानी कोषबाट ऋण लिएर दुई न्यारोबडी र दुई वाइडबडी जहाज खरिद गरेको थियो। निगमको पछिल्लो व्यवस्थापन सम्हालेयता २०८१ असारसम्म पाँच अर्ब ७९ करोड ७६ लाख ४२ हजार २४९ रुपैयाँ किस्ता रकम भुक्तानी गरिएको विज्ञप्तिमा जनाइएको छ।
निगमले कोरोना महामारीका कारण निगमको व्यापारमा प्रतिकूल असर परेकाले उक्त अवधिको ब्याजको ब्याज, हर्जाना र जरिबाना छुट गरिदिन दुई कोषलाई अनुरोध गरेको छ। साथै किस्ताको संख्या वृद्धि गरेर ऋण दायित्व भुक्तानीलाई सहजीकरण गरिदिन निगमले दुवै कोषलाई अनुरोधपत्र पठाइएको निगमले जनाएको छ।
प्रतिक्रिया