![Pardafas.com](https://www.pardafas.com/wp-content/uploads/2022/06/pardafas-logo.png)
ठमेलको होटलबाट २० करोड रूपैयाँ बढीको कोकिनसहित मलेसियन महिला पक्राउ
स्कुल ब्यागमा फल्सबटम बनाएर कोकिन तस्करी
![clock](https://www.pardafas.com/wp-content/themes/pardafas/assets/img/clock-icon.png)
काठमाडौंको ठमेलस्थित एक होटलबाट झन्डै ६ किलो अवैध लागुऔषध कोकिनसहित मलेसियाकी महिला पक्राउ परेकी छन् ।
ठमेलमा रहेको काठमाडौं सिटी होटलबाट ५ किलो ८२० ग्राम कोकिनसहित मलेसियाकी ४७ वर्षीया महिला बाथुमलाइ वडिवालु पक्राउ परेकी हुन् ।
लागुऔषधको कारोबार भइरहेको सूचनाका आधारमा खटिएको जिल्ला प्रहरी परिसर, काठमाडौं प्रहरी वृत्त, लैनचौरको संयुक्त टोलीले होटलमा छापा मारेर उक्त परिमाणको कोकिन बरामद गरी उनलाई पक्राउ परेको हो ।
उनको कोठामा ६ वटा स्कुल ब्याग फेला परेको थियो, जसभित्र फल्सबटम बनाइएको थिया । फल्सबटम हेर्दा कोकिन बरामद भएको हो ।
बरामद कोकिनको अवैध बजार मूल्य २० करोड ३७ लाख रूपैयाँ हुने प्रहरीले जनाएको छ ।
प्रहरीका अनुसार उनी मलेसियाबाट लाओस र बैंकक हुँदै १३ जुलाइ (शनिबार) काठमाडौं आइपुगेकी थिइन् । उनी १९ जुलाइमा नेपालबाट पुनः मलेसिया फर्किँदै थिइन् । त्यसैबीच प्रहरीले आइतबार उनलाई पक्राउ गरेको हो ।
यो कोकिनको बजार पनि भारत नै भएको प्रहरीले जनाएको छ । उनले लाओसबाट उक्त कोकिन रिसिभ गरेकी थिइन् ।
काठमाडौंलाई ट्रान्जिट बनाएर अर्कै व्यक्तिलाई हस्तान्तरण गर्ने योजना थियो । भारतबाट एक जना उक्त कोकिन लिन आउने तयारी थियो । त्यसैबीच उनी पक्राउ परेकी हुन् ।
प्रतिक्रिया