![Pardafas.com](https://www.pardafas.com/wp-content/uploads/2022/06/pardafas-logo.png)
भक्तपुरको गेष्ट हाउसमा नाबालिकाहरूलाई वेश्यावृत्तिमा लगाउने दुई जना पक्राउ
![clock](https://www.pardafas.com/wp-content/themes/pardafas/assets/img/clock-icon.png)
![भक्तपुरको गेष्ट हाउसमा नाबालिकाहरूलाई वेश्यावृत्तिमा लगाउने दुई जना पक्राउ](https://www.pardafas.com/wp-content/uploads/2024/07/prostitution-case-bhaktapur.jpg)
भक्तपुरस्थित एक गेष्ट हाउसमा नाबालिकाहरूलाई वेश्यावृत्तिमा लगाएको आरोपमा दुई जना पक्राउ परेका छन् ।
प्रहरीको मानव बेचबिखन अनुसन्धान ब्युरोको टोलीले सोमबार सिन्धुलीको हरिहरपुर गाउँपालिका–१ घर भएका ३३ वर्षीय वीरबहादुर सिंतान र २५ वर्षीय सुविलाल सिंतानलाई पक्राउ गरेको हो ।
उनीहरूले भक्तपुरको मध्यपुर थिमी नगरपालिका–१, मनोहरा–जडिबुटीमा सञ्चालन गरेको सिन्धुली होटल ढिँडो सर्भिस एण्ड गेष्ट हाउसमा बालिकाहरूलाई वेश्यावृत्तिमा लगाएको आरोप छ ।
प्रहरीको प्रारम्भिक अनुसन्धानमा उनीहरूले राम्रो आम्दानी हुने काममा लगाइदिने प्रलोभनमा पारी गेष्ट हाउसमा आएका ग्राहकहरूसँग शारीरिक सम्पर्क राख्न लगाएर वेश्यावृत्तिमा लगाएको खुलेको छ ।
साथै प्रहरीले उक्त गेष्ट हाउसबाट ३ जना बालिकाहरूलाई उद्धार गरेको छ ।
पक्राउ परेकाहरूलाई थप अनुसन्धानका लागि जिल्ला प्रहरी परिसर, भक्तपुर पठाइएको छ ।
प्रतिक्रिया