अवरूद्ध डुम्रे-बेँसीशहर सडक खुल्यो

पहिरोले अवरूद्ध डुम्रे–बेँसीशहर सडक खुलेको छ । मङ्गलबार साँझदेखिको वर्षाले गएराति यस सडकअन्तर्गत बेँसीशहर नगरपालिका– १, अँधेरीखोलामा पहिरो खस्दा सडक अवरूद्ध भएको थियो ।

जिल्ला प्रहरी कार्यालयका प्रहरी निरीक्षक मेघनाथ चापागाईंले पहिरो पन्छाएर आज बिहान ११ बजेपछि सडक सञ्चालन भएको बताए ।

सडक अवरूद्ध हुँदा बेँसीसहरबाट काठमाडौँं, पोखरा र चितवन र ती स्थानबाट बेँसीशहरका साथै मनाङ जाने यात्री प्रभावित भएका थिए ।