संक्रमणकालीन न्याय पीडितमैत्री बन्नुपर्छ : अध्यक्ष मगर
२४ असार २०८१ १६:५८
राष्ट्रिय मानवअधिकार आयोगका अध्यक्ष तपबहादुर मगरले संक्रमणकालीन न्याय पीडितमैत्री हुनुपर्ने बताएका छन् ।
सोमबार ललितपुरमा आयोजित एक कार्यक्रममा उनले संक्रमणकालीन न्याय टुंग्याउँदा पीडितमैत्री हुनुपर्ने, बालसैन्य, यौनजन्य हिंसाहरूलाई सँगै टुंग्याउने गरी नीति बनाउनुपर्ने बताए । उनले पीडकले सजाय पाउने र पीडितले न्याय पाउने गरी संक्रमणकालीन न्याय टुंग्याउन जरूरी रहेको बताए ।
उनले संक्रमणकालीन न्याय टुंगोमा पुर्याउन सबै पक्ष क्रियाशील भई काम गर्न जरूरी रहेको बताए । उनले सरकार, पीडित पक्ष, द्वन्द्वमा लागेका माओवादी पक्ष पनि सक्रिय भई काम गरे मात्रै संक्रमणकालीन न्याय टुंगो लगाउन सकिने बताए ।
अध्यक्ष मगरले सरकारलाई आयोगले गरेको सिफारिस कार्यान्वयन गर्न आग्रह गरे ।
सो अवसरमा आयोगले संक्रमणकालीन न्यायका सम्बन्धमा हालसम्म गरेका प्रयास र सार्वजनिक गरेका धारणाहरू समेटेको राष्ट्रिय मानवअधिकार आयोग र संक्रमणकालीन न्यायसम्बन्धी प्रतिवेदन सार्वजनिकसमेत गरेको थियो ।
हेर्नुहाेस् भिडियाे
सम्बन्धित समाचार
प्रतिक्रिया