![Pardafas.com](https://www.pardafas.com/wp-content/uploads/2022/06/pardafas-logo.png)
नवलपरासी पश्चिम कारागारका जेलर एक लाख घुस र स्रोत नखुलेको ५० हजारसहित पक्राउ
![clock](https://www.pardafas.com/wp-content/themes/pardafas/assets/img/clock-icon.png)
कारागार कार्यालय, नवलपरासी (बर्दघाट सुस्ता पश्चिम) मा कार्यरत कारागार प्रशासक (शाखा अधिकृत) विनोदकुमार दत्त एक लाख रूपैयाँ घुस र स्रोत नखुलेको ५० हजार रूपैयाँसहित पक्राउ परेका छन् ।
अख्तियार दुरूपयोग अनुसन्धान आयोगको केन्द्रीय कार्यालय टंगालबाट खटिएको टोलीले उनलाई आइतबार कारागारमा रहेको कारागार प्रशासकको निवासबाट उक्त रकमसहित नियन्त्रणमा लिएको हो ।
सेवाग्राहीलाई काम गरेबापत पाउने सेवा सुविधा दिन सहजीकरण गरिदिने भनी घुस माग गरेको सूचनाका आधारमा आयोगको टोलीले उनलाई नियन्त्रणमा लिएको हो ।
घुस लिइसकेको अवस्थामा पक्राउ परेका उनीबारे थप अनुसन्धान भइरहेको आयोगका प्रवक्ता नरहरि घिमिरेले जानकारी दिए ।
प्रतिक्रिया