बागमती नदीमा फसेका ३ जनाको सकुशल उद्धार
२२ असार २०८१ १७:४७
काठमाडौंको कीर्तिपुर नगरपालिका-१०, ल्याबोरेटरी स्कुल नजिकै बागमती नदीमा फसेका ३ जनाको सशस्त्र प्रहरीको गोताखोरले सकुशल उद्धार गरेको छ । शनिबार अपराह्न ४:४० बजे बागमती नदीमा फसेका उनीहरूको ५:२५ बजे सकुशल उद्धार भएको हो ।
सशस्त्र प्रहरी बल, नेपाल नं.२० विपद् उद्धार गण सिनामंगलबाट सशस्त्र प्रहरी निरीक्षकको कमाण्डमा ५ जना गोताखोरसहित १५ जना र नं. १८ निलबाराही गण कीर्तिपुरबाट १० जनाको टोलीले उनीहरूको उद्धार गरेको हो ।
उद्धार गरिएकाहरूमा हेटौंडाका उर्मिला लामा र अनिता लामा तथा खोटाङका धनराम लामा रहेको बताइएको छ ।
निरन्तरको वर्षापछि बागमती नदीमा आएको बाढीले काठमाडौंका विभिन्न क्षेत्र डुबानमा परेका छन् ।
हेर्नुहाेस् भिडियाे
सम्बन्धित समाचार
प्रतिक्रिया