किअर स्टार्मर बने बेलायतको ५८ औं प्रधानमन्त्री

बेलायतमा शुक्रबार सत्ता परिवर्तन भएको छ । सत्तारूढ कन्जरभेटिभ पार्टी १४ वर्षपछि लेबर पार्टीसँग पराजित भएको छ । त्यसको केही घण्टापछि भारतीय मूलका ऋषि सुनकले प्रधानमन्त्री पदबाट राजीनामा दिएका थिए । लेबर पार्टीका ६१ वर्षीय किअर स्टार्मर देशको ५८ औं प्रधानमन्त्री बनेका छन् ।

सुनकले हार स्वीकार गर्दै पार्टीसँग माफी मागेका छन् । उनले स्टार्मलाई फोन गरेर जितका लागि बधाई पनि दिएका छन् । लोकसभा निर्वाचनमा लेबर पार्टीले बहुमत हासिल गरेको छ । पार्टीले कुल ६५० सिटमध्ये ४१२ सिट जितेको छ ।

सरकार बनाउन ३२६ सिट आवश्यक पर्दछ । अर्कातर्फ, कन्जरभेटिभहरू १२० सिटमा सीमित भएका छन् । कन्जरभेटिभ पार्टीको विगत २०० वर्षमा यो सबैभन्दा ठूलो हार हो ।