बेलायती आमचुनाव : लेबर पार्टीलाई बहुमत, स्टार्मर नयाँ प्रधानमन्त्री बन्दै
२१ असार २०८१ १३:४८
केअर स्टार्मरको नेतृत्वमा रहेको लेबर पार्टीले बेलायती संसदको तल्लो सदनमा स्पष्ट बहुमत हासिल गरेको छ । संसदको ६५० सिटमध्ये ४६७ सिट घोषित भएसँगै लेबरले ३२६ सिट जितेको छ ।
बेलायती प्रधानमन्त्री ऋषि सुनकले आमचुनावमा हार स्वीकार गर्नुअघि सञ्चारमाध्यमले ३२६ सिटको थ्रेसहोल्ड पुगेको घोषणा गरेका छन् । बीबीसी, आईटीभी र स्काइन्युज तीन प्रशारकहरूद्वारा निर्मित एक्जिट पोलले केही घण्टाअघि नै लेबरले ४१० सिटमा ठूलो जित हासिल गर्ने अनुमान गरेको थियो ।
सुनकले बेलायतका राजा चार्ल्ससँग भेट गरेपछि स्टार्मरलाई बेलायतको नयाँ प्रधानमन्त्रीको रूपमा पदभार ग्रहण गर्न मार्गप्रशस्त गर्न चाँडै नै राजीनामाको घोषणा गर्ने अपेक्षा गरिएको छ ।
प्रतिक्रिया