![Pardafas.com](https://www.pardafas.com/wp-content/uploads/2022/06/pardafas-logo.png)
सरकारलाई दिएको समर्थन आजै फिर्ता लिने तयारीमा एमाले
![clock](https://www.pardafas.com/wp-content/themes/pardafas/assets/img/clock-icon.png)
नेकपा (एमाले) ले नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ नेतृत्वको सरकारलाई दिएको समर्थन आजै फिर्ता लिने तयारी गरेको छ ।
एमाले र नेपाली कांग्रेसले नयाँ समीकरण निर्माण गरेर सरकार बनाउने सहमति गरेपछि संकटमा परेको वर्तमान सरकारका प्रधानमन्त्री दाहालले पदबाट राजीनामा नदिने बरू संसदबाट विश्वासको मत लिने बताएका छन् ।
मंगलबार साँझ बसेको एमाले सचिवालय बैठकले दाहाललाई आजसम्म पदबाट राजीनामा गर्न आग्रह गरेको थियो । तर, दाहालले आफ्नो अडान कायमै राखेपछि एमालेले उनलाई दिएको समर्थन फिर्ता लिने तयारी गरेको हो ।
दाहालले विश्वासको मतको प्रक्रियामा जाने अडान नछाडे एमालेले आजै समर्थन फिर्ता लिने प्रमुख सचेतक महेश बर्तौलाले बताए । केहीबेरपछि बैठक बसेर समर्थन फिर्ता र मन्त्रीहरूको राजीनामाबारे निर्णय हुने उनको भनाइ छ ।
सोमबार नेपाली कांग्रेस र एमालेबीच नयाँ सरकार बनाउने सहमति भएको थियो । सहमतिअनुसार पहिलो चरणमा एमाले अध्यक्ष केपी शर्मा ओली प्रधानमन्त्री बन्नेछन् ।
प्रतिक्रिया