सशस्त्र प्रहरी परिवार महिला संघको २३औँ वार्षिकोत्सव सम्पन्न

महिला, बालबालिका तथा ज्येष्ठ नागरिक मन्त्री भगवती चौधरीको प्रमुख आतिथ्यमा प्रधान कार्यालय हल्चोक स्वयम्भुमा असार १७ गते सशस्त्र प्रहरी परिवार महिला संघको २३औँ वार्षिकोत्सव विविध कार्यक्रमका साथ सम्पन्न भएको छ ।

कार्यक्रमलाई सम्बोधन गर्दै मन्त्री चौधरीले सशस्त्र प्रहरी परिवार महिला संघले आफ्नो स्थापना कालदेखि नै शिक्षा, स्वास्थ्य, खेलकुद, विपद् पीडितहरूको सहयोग लगायत विविध जनचेतनामूलक कार्यक्रमहरूमा देखाएको अग्रसरताको मुक्तकण्ठले प्रशंसा गरिन् । उनले सामाजिक सेवाका कार्यहरू कुनै एक व्यक्ति वा संस्थाको प्रयासले मात्र सम्भव नहुने बताउँदै यस्ता कार्यमा सबै मिलेर हातेमालो गरी अगाडी बढ्न जरुरी रहेको बताइन् ।