नक्कली भुटानी शरणार्थी प्रकरणका अभियुक्त झालाई ७ दिन हिरासतमा राख्न अनुमति

नेपालीलाई नक्कली भुटानी शरणार्थी बनाएर अमेरिका पठाउने भन्दै गरिएको ठगी प्रकरणमा पक्राउ बेचन झालाई ७ दिन थुनामा राखेर अनुसन्धान गर्न प्रहरीले अनुमति पाएको छ ।

शुक्रबार पक्राउ गरेर आइतबार काठमाडौं जिल्ला अदालत पेस गरिएका उनलाई अदालतले ७ दिन हिरासतमा लिन अनुमति दिएको हो ।

झालाई उच्च राजनीतिक संलग्नताका आधारमा अनुसन्धानका लागि पक्राउ गरिएको हो । उनले यस प्रकरणमा मन्त्रालय र राजनीतिक व्यक्तिहरूका बीचमा सम्बन्ध विकास गराएर घुस लिई बिचौलियाको काम गरेको आरोप छ ।