![Pardafas.com](https://www.pardafas.com/wp-content/uploads/2022/06/pardafas-logo.png)
भरतपुरको होटलमा चिनियाँ नागरिक मृत फेला
![clock](https://www.pardafas.com/wp-content/themes/pardafas/assets/img/clock-icon.png)
![भरतपुरको होटलमा चिनियाँ नागरिक मृत फेला](https://www.pardafas.com/wp-content/uploads/2022/11/Death-Body-3.jpg)
चितवनको भरतपुरस्थित होटलमा एक चिनियाँ नागरिक मृत फेला परेका छन् । मृत फेला पर्नेमा ५६ वर्षीय पियान छाङ्गसिन छन् ।
उनी बीपी कोइराला क्यान्सर अस्पताल अगाडिको बर्षना होटलमा बस्दै आएका थिए । उनी यही असार १० देखि उक्त होटलमा बस्दै आएको जिल्ला प्रहरी कार्यालय चितवनका प्रवक्ता डीएसपी भेजराज रिजालले बताए ।
‘उनको शव आज (आइतबार) बिहान फेला परेको हो । होटलको बाथरुममा घोप्टो परेको अवस्थामा शव फेला परेको थियो,’ डीएसपी रिजालले पर्दाफासलाई भने, ‘मृत्युको कारण खुलिसकेको छैन । थप अनुसन्धान गर्दै छौं ।’
पियान कहिले नेपाल आएका थिए, कति समयदेखि यहाँ बस्दै थिए र उनी कुन भिसामा आएका थिए भन्नेबारे पनि प्रहरीले अनुसन्धान थालेको छ ।
प्रतिक्रिया