सशस्त्र प्रहरीद्वारा सप्तरीबाट १ सय ७ कार्टुन मदिरा बरामद
१० असार २०८१ १५:२४
सप्तरीको राजगढ गाउँपालिका–२ कमलपुरस्थित दशगजा इलाकाबाट सशस्त्र प्रहरीले १ सय ७ कार्टुन मदिरा बरामद गरेको छ ।
सशस्त्र प्रहरी बल नेपाल प्रस्तावित सीमा सुरक्षा गुल्म पातोबाट सशस्त्र प्रहरी नायब निरीक्षक अमृत कुमार श्रेष्ठको कमाण्डमा खटिएको मोबाइल गस्तीले सोमबार नेपालबाट अवैध रुपमा भारततर्फ लैजाँदै गरेको मामाश्री ब्राण्डको (मदिरा) सहित ओसारपसारमा संलग्न २ जना व्यक्तिलाई समेत नियन्त्रणमा लिएको हो ।
नियन्त्रणमा लिइएकाहरु राजगढ–२ कमलपुर बस्ने वर्ष २६ का नारायण यादव र सोही पालिकाको वडा नम्बर ३ झुटकी बस्ने वर्ष २४ का रोहित मुखिया छन् ।
उनीहरुलाइ बरामद मदिरासहित थप कारबाहीका लागि राजविराज भन्सार कार्यालय तिलाठीमा बुझाइएको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए ।
प्रतिक्रिया