प्रधानमन्त्रीलाई गगनले भनेः नटेर्ने मन्त्रीलाई फेर्ने, नसके बालुवाटारबाट सर्ने
९ असार २०८१ १४:०६
काठमाडौँ, १४ फागुन :
प्रतिनिधिसभा बैठकमा सांसद थापा
प्रतिनिधिसभाको सोमबार संघीय संसद भवन बानेश्वरमा बसेको बैठकमा धारणा राख्दै सांसद गगनकुमार थापा । तस्बिर : किरणराज विष्ट/रासस
प्रमुख प्रतिपक्ष दल कांग्रेसका महामन्त्री गगनकुमार थापाले प्रधानमन्त्री पुष्पकमल दाहाललाई पदबाट हट्न आग्रह गरेका छन् ।
प्रधानमन्त्री दाहाल आफैंले मन्त्रीहरुले आफूलाई नटेर्ने गरेको उल्लेख गर्दै बालुवाटारबाट डेरा सर्न आग्रह गरेका हुन् । आफूले भनेको नटेर्ने मन्त्रीलाई फेर्न नसके प्रधानमन्त्रीले बालुवाटारबाट डेरा सर्नुपर्ने उनको भनाइ थियो ।
आइतबार प्रतिनिधि सभा बैठकको शून्य समयमा बोल्दै महामन्त्री थापाले स्थानीय तहलाई दिइँदै आएको समानीकरण अनुदान कटौती नगर्न पनि सरकारलाई सचेत गराए ।
‘प्रधानमन्त्रीले के भन्नु भएछ भने–मेरो त मन छ, तर मन्त्रीले मानेन् । प्रधानमन्त्रीलाई कतिपटक भन्ने हो यो ? यो संसदीय व्यवस्था हो । यसमा के हुन्छ भने नटेर्ने मन्त्री फेर्ने, फेर्न नसक्ने हो भने सिंहदरबार, बालुवाटारबाट डेरा सर्ने,’ उनले भने ।
महामन्त्री थापाले स्थानीय तहले समानीकरण अनुदान पाउने संवैधानिक हक भए पनि संघीय सरकारले तजबिजी अधिकारको रुपमा उपयोग गर्न खोजेको भन्दै आक्रोश पनि व्यक्त गरे ।
प्रतिक्रिया