![Pardafas.com](https://www.pardafas.com/wp-content/uploads/2022/06/pardafas-logo.png)
काठमाडौं महानगरको नदी सफाइः हिँड्दै छ, पाइला मेट्दै छ !
![clock](https://www.pardafas.com/wp-content/themes/pardafas/assets/img/clock-icon.png)
काठमाडौं महानगरपालिकाले आफ्नो क्षेत्रभित्रका नदीहरुको सफाइ सुरु गरेको छ । तर, सफाइ गरेका नदीहरुमा फोहोर नियन्त्रणका उपाय नहुँदा ‘हिँड्दै छ, पाइला मेट्दै छ’ भनेझैं फेरि फोहोरहरु देखिन थालेका छन् ।
महानगरको वातावरण विभागअन्तर्गतका ५५ जना कर्मचारीको समूहले रुद्रमती (धोबीखोला), कपनको खहरे र बालाजु क्षेत्रबाट बग्ने भचाखुसी सफाइ गरिसकेको छ । सफाइ समूहले अहिले इच्छुमती (टुकुचा) नदी सफाइ गरिरहेका छन् ।
सफाइ समूहले राजधानीको मध्यभागबाट बग्ने इच्छुमती सफाइमा एक साताबिताइसकेको छ । उक्त समूहले अन्य नदीमाभन्दा इच्छुमतीमा बढी फोहर भेटिएको समूहका ‘सुपरभाइजर’ सागर लुइँटेलले बताए ।
रुद्रमतीमा महानगरपालिकाले यन्त्र लगाएर सफाइ गरिरहेको छ । महानगरपालिकाको समूहले सफाइ गरुञ्जेल सफा देखिएको रुद्रमतीमा अहिले प्लाष्टिकलगायत फोहर थुप्रिन थालेको छ ।
सफाइ गरुञ्जेल आकर्षक देखिएको नदी अहिले फेरि फोहर देखिन थालेको कपनका स्थानीय लक्ष्मण ढकालले बताए । महानगरपालिकाले सफाइ गर्ने तर नदीमा रेखालु नराख्दा फोहोर नियन्त्रण प्रभावकारी नदेखिएको उनले सुनाए ।
महानगरपालिकाले यस क्षेत्रका अन्य नदी पनि यसरी सफाइ गर्ने जनाइएको छ । महानगर क्षेत्रका नदीमा सिधै ढल र फोहर हाल्नाले दुर्गन्धित बनेको छ । नदी किनारबाट हिँड्दा नाक थुनेर हिँड्नुपर्ने अवस्था छ ।
२०७० जेठ ५ गतेदेखि वाग्मती सफाइ सुरु गरिए पनि नदी अपेक्षाकृत सफा हुन सकेको छैन । वाग्मती सफाइ महाअभियानले पाँच सय ८० हप्ता पार गरे पनि नदीको अवस्थामा धेरै परिवर्तन आएको छैन । वाग्मतीसँगै उपत्यकाका सबै नदी र चक्रपथ सफाइ सुरु भए पनि नदीका अवस्था उस्तै छन् ।
जनस्तरबाट सुरु भएको महाअभियानलाई स्थानीय सरकारले साथ नदिएको गुनासो सुनिने गरेको छ । गुनासोबीच नै महानगरपालिकाले नदी सफाइ सुरु गरेको हो ।
BHIKHANTHAKUR
नगरपालिका ले मात्रै सफा गरेर सफा हुने कुरा हैन नी यो…
टोल बासी र हामी काठमाडौ नगर पालिका
भित्र बस्ने सबै ले सफा राख्न सक्नु पर्योनी… नगरपालिका ले दिन भरी सफा गरेर गयो अनि स्थान्य बासी राती फोहोर फाले पछी के फाईदा भयोर हजुर