![Pardafas.com](https://www.pardafas.com/wp-content/uploads/2022/06/pardafas-logo.png)
चिनियाँ कम्युनिष्ट पार्टीकाे खेलकुद विभागकाे भ्रष्टाचारले पेरिस ओलम्पिक संकटमा
![clock](https://www.pardafas.com/wp-content/themes/pardafas/assets/img/clock-icon.png)
चीनले आफ्ना शीर्ष खेलकुद अधिकारीहरू संलग्न रहेको ठूलो भ्रष्टाचार काण्ड अहिले सामना गरिरहेको छ, जसले उसको पेरिस ओलम्पिकको तयारीलाई पनि असर गरिरहेको छ ।
खेलकुदको सामान्य प्रशासन (जीएस) का पूर्व प्रमुख गाओ झोङवेन र अन्य धेरै अधिकारीहरू भ्रष्टाचारको आरोपमा अनुसन्धानमा छन् । उनीहरुमाथि सन् २०२२ को अन्तमा सुरु भएको ओलम्पिकको तयारी, अघिल्लो ओलम्पिक खेलहरूको तयारी र फुटबलमा भ्रष्टाचारमा केन्द्रित रहेर अनुसन्धान भइरहेको हो ।
पछिल्लो समय खराब प्रदर्शन र भ्रष्टाचारका लागि चिनियाँ फुटबल कुख्यात रहेको छ । भ्रष्टाचारले चिनियाँ फुटबललाई झन् धेरै असर पारेको छ । यसले अब सम्पूर्ण चिनियाँको खेल प्रशासनको अखण्डतालाई जोखिममा पारेको छ भने देशको ओलम्पिक आशाहरूलाई पनि संकटमा पारेको छ ।
चीन ओलम्पिकमा विशेष गरी डाइभिङ, टेबलटेनिस र जिम्न्यास्टिकमा बलियो रहेको इतिहास छ । चीनले पदक गणनामा पनि लगातार उच्च स्थानमा हासिल गर्दै आएको छ । यस्तै, पेरिसमा हुने ओलम्किपमा पनि पदकमा शीर्ष स्थानका लागि अमेरिकासँग नजिकको प्रतिस्पर्धा गर्ने अपेक्षा चीनबाट गरिएको छ ।
भ्रष्टाचारको अनुसन्धान चीनको राष्ट्रिय पुरुष फुटबल टोलीका पूर्व मुख्य प्रशिक्षक ली टाइसँग सुरु भएको थियो, जसलाई घुस लिएको आरोप लागेको थियो । त्यसबेलादेखि, डु झाओकाई र चेन जुयान लगायत धेरै वरिष्ठ अधिकारीहरू फसेका छन् ।
टोकियो २०२० र बेइजिङ २०२२ ओलम्पिकको तयारीको निरीक्षण गर्ने गाओ झोङवेन छानबिनको दायरामा आउने सबैभन्दा नयाँ उच्च अधिकारी हुन् । लिउ एइजी र हु गुआङ्यु लगायत उनका मातहतका कर्मचारीहरू पनि काण्डमा फसेका छन् ।
सन् २०१७ मा स्थापना भएको ओलम्पिक तयारी कार्यालय ठूलो आर्थिक अनियमितता र घुसखोरीमा संलग्न रहेको अनुसन्धानले देखाएको छ । कार्यालय प्रमुख लिउ आइजीलाई घुस लिएको अभियोगमा ११ वर्षको जेल सजाय सुनाइएको थियो । ओलम्पिक तयारीका लागि छुट्याइएको रकमको दुरुपयोग भएको र अधिकारीहरूले व्यक्तिगत फाइदा लिएको आरोप छ ।
ओलम्पिक तयारी कार्यालयको महत्वपूर्ण प्रभाव र नियन्त्रण रहेको खेलकुद उद्योगका भित्रियाहरूले भ्रष्टाचारलाई बढावा दिएका छन् । उचित अनुगमन नगरी ठूलो मात्रामा रकम व्यवस्थापन गरियो, जसले गर्दा स्रोतको दुरुपयोग भएको आरोप छ ।
सन् २०२२ को बेइजिङ शीतकालीन ओलम्पिकमा चिनियाँ खेलाडीहरूको सफलताको बाबजुद पनि भ्रष्टाचारको काण्डले यी उपलब्धिहरूलाई छाया पारेको छ । पेरिस ओलम्पिक नजिकिँदै गर्दा, चलिरहेको अनुसन्धानले चीनको खेलकुद प्रशासनको निष्ठा र ओलम्पिक सफलताको खोजीमा चिन्ता बढाएको छ ।
प्रतिक्रिया