सिरहा प्रहरी कार्यालयमा महिला प्रहरी जवान मृत फेला

जिल्ला प्रहरी कार्यालय सिरहामा कार्यरत महिला प्रहरी जवान कार्यालयमै मृत फेला परेकी छन् । प्रहरी जवान करिष्मा सुनार मृत भेटिएकी हुन् ।

सुनार कार्यालयको महिला तथा बालबालिका सेलभित्र मृत फेला परेको सिरहा प्रहरीका सूचना अधिकारी इन्स्पेक्टर उदयभान द्विवेदीले पर्दाफासलाई जानकारी दिए । उनका अनुसार सुनार मृत भेटिएको बाथरुममा भित्रबाट चुकुल लगाएको पाइएको छ ।

‘बाथरुममा भित्रबाट चुकुल लगाइएको अवस्थामा उहाँको शव फेला परेको छ । भेन्टिलेसनबाट हेर्दा सलले पासो लगाएको देखिन्छ । हामीले बाथरुम खोलिसकेका छैनौं । उहाँको परिवारलाई कुर्दै छौं,’ उनले पर्दाफाससँग भने ।