औषधि व्यवसायीको चेतावनी- बिना कारण औषधिजन्य सामग्री जफत गर्ने हो भने आन्दोलनमा उत्रिन्छौँ

कानुनअनुसार औषधि बेच्दा पनि जफत गरिएको भन्दै औषधि व्यवसायीहरूले आन्दोलन गर्ने चेतावनी दिएका छन् । मंगलबार काठमाडौँमा उनीहरुले औषधि व्यवस्था विभागमा दर्ता भएका औषधिहरू बेच्दा पनि मेडिकल व्यवसायीहरूको औषधि जफत गरिएकोप्रति आपत्ति जनाएका हुन् ।

नेपाल औषधि थोक व्यवसायी संघका अध्यक्ष विशराज बास्कोटाले औषधि व्यवस्था विभागमा दर्ता नभएको सामान छ भने जफत पाइने भन्दै औषधि विभागले कुनै जानकारी नदिई भ्याट तिरेर ल्याएको सामान जफत गर्नुले औषधि व्यवसायीहरू ताल्चा लगाएर आन्दोलनमा उत्रिनुपर्ने अवस्था आउने बताए । उनले औषधि विभागले पनि अनुगमन गर्ने र महानगरले पनि अनुगमन गर्ने गरिरहेको भन्दै क्षेत्राधिकार कसको पर्छ  भन्दै प्रश्न गरे । उनले औषधि अनुगमनको क्षेत्र महानगरको पर्छ कि पर्दैन भन्ने प्रश्न गरे ।