![Pardafas.com](https://www.pardafas.com/wp-content/uploads/2022/06/pardafas-logo.png)
केपी ओलीज्यू १० हजार करोडको काण्ड लुकाउन अर्को काण्ड नगर्नुहोला : बालेन
![clock](https://www.pardafas.com/wp-content/themes/pardafas/assets/img/clock-icon.png)
काठमाडौं महानगरका मेयर बालेन शाहले एमाले अध्यक्ष केपी शर्मा ओलीलाई गिरीबन्धु टी–इस्टेट जग्गा प्रकरणलाई विषयान्तर गरेको आरोप लगाएका छन् ।
सामाजिक सञ्जालमा लेख्दै बालेनले गिरीबन्धु प्रकरणमा ओलीमाथि नीतिगत भ्रष्टाचार गरेको आरोप लगाउँदै पीडितको बैना फिर्ता गर्न चेतावनी दिएका छन् ।
उनले कोही नयाँ आएर फाइल पल्टाउला र जेल जानु पर्ला भन्दै १० हजार करोडको काण्ड लुकाउन अर्को काण्ड गरेर जनता नझुक्काउन चेतावनी दिएका छन् ।
उनले भनेका छन्– १० हजार करोडको काण्ड लुकाउन अर्को काण्ड गरेर जनता नझुक्काउनु होला माननीय केपी ओलीज्यू ।
झापा गिरीबन्धुमा बैना लिनेहरूलाई दुई वर्षभित्र गिरीबन्धुकै जग्गा दिलाउँछौं भनेर थम्थमाउनु भएछ । गिरीबन्धु चिया बगानको जग्गामा गर्न खोजेको नीतिगत घोटालामा तपाईंको सहभागिताको इतिहास हेर्दा त्यहाँ तपाईंलाई नभनी पात पनि हल्लन्छ भन्ने लाग्दैन ।
यही १० हजार करोडको काण्ड लुकाउन र जनतालाई भुलाउन राज्यको सम्पूर्ण शक्ति लगाएर न्युरोडमा हामीले बनाउन लागेको फुटपाथ फेरि सडक बनाउनु थाल्नु भएछ ।
अब बल्ल देश बन्ने भएछ । आफ्ना कर्तुत लुकाउन र विषयान्तर गरे पनि काम हुनु राम्रो हो । तपाईंको शक्तिले अब रिङरोड बनाउनु, बुटवल चितवन बाटो बनाउनु, यस्ता धेरै आयोजनामा लगाउनुहोला । हामी साथमा छौँ ।
अनि समयमै गिरीबन्धुमा पीडितको बैना फिर्ता गर्नु होला । नत्र कोही साँच्चैको नयाँ आउला र फाइल पल्टाउला । हुन त, पहिले पनि जेल बस्नु भएको हो । धन्यवाद ।
नोट : ‘केपी ओलीज्यू १० हजार करोडको काण्ड लुकाउन अर्को काण्ड नगर्नुहोला : बालेन’ हुनुपर्नेमा अन्यथा भएकोमा सच्चाइएको छ । #डेक्स
प्रतिक्रिया