वैदेशिक रोजगारीमा ठगिएका नेपालीको समस्या समाधान गर्न देउवाको आग्रह
५ जेठ २०८१ १२:२६
फाइल तस्बिर
कांग्रेसका सभापति एवं पूर्वप्रधानमन्त्री शेरबहादुर देउवाले वैदेशिक रोजगारीमा ठगिएका नेपालीहरुको समस्या समाधानमा लाग्न सरकारसँग आग्रह गरेका छन् ।
शनिबार काठमाडौंमा आयोजित नेपाल लोकतान्त्रिक वैदेशिक रोजगार व्यवसायी एसोसिएसनको १२ औं साधारण सभामा उनले नेपालमा वैदेशिक रोजगारी महत्वपूर्ण रहेको बताए । विदेशमा रोजगार गर्न जाने कुरा र त्यहाँ श्रमीकहरुले पाइरहेको दुःखका बारेमा आफू जानकार रहेको भन्दै श्रमिकलाई भइरहेको शोषणको समस्या रोक्न आग्रह उनले आग्रह गरे । देउवाले वैदेशिक रोजगारीमा गएका नेपालीबाट देशमा आउने रेमिट्यान्ससँगै श्रमिकहरुको समस्या समाधानमा आवश्यक भूमिका खेल्नुपर्ने बताए ।
‘जेलमा थुनिएका छन्, धेरै दुःख पाएका छन् । यो वैदेशिक रोजगार एसोसिएसनले लिड रोल लिनुपर्छ,’ उनले भने ।
सम्बन्धित समाचार
प्रतिक्रिया