![Pardafas.com](https://www.pardafas.com/wp-content/uploads/2022/06/pardafas-logo.png)
८ करोडको कोकिनसहित ३ विदेशी महिला पक्राउ
![clock](https://www.pardafas.com/wp-content/themes/pardafas/assets/img/clock-icon.png)
प्रहरीको लागुऔषध नियन्त्रण ब्युरोले लागुऔषधसहित ३ विदेशी महिलालाई पक्राउ गरेको छ ।
युगान्डाबाट आएका दुई महिला र उनीहरुसँग लागुऔषध लिन भारतबाट काठमाडौं आएकी एकसहित ३ महिलालाई पक्राउ गरिएको ब्युरोका प्रवक्ता एसपी रामेश्वर कार्कीले बताए ।
युगान्डाबाट आएका महिलाको साथबाट करिब ८ करोड रुपैयाँ बराबरको २ किलो ६५४ ग्राम कोकिन पनि बरामद भएको छ । उनीहरु यही वैशाख ३० मा नेपाल आएका थिए ।
४४ वर्षीय युगाण्डाली महिला केभिना मुगलाले प्लास्टिकले ¥याप गरेर निलेको अवस्थामा ९० वटा कोकिन क्याप्सुलहरु १ केजी २६० ग्राम फेला परेको छ ।
अर्की युगान्डाली नागरिकले चकलेटभित्र कोकिन मिसाएर ल्याएको पाइएको थियो । ती चकलेटमा १ केजी ३९४ ग्राम कोकिन बरामद भएको छ । कोकिन लिन आउने भारतीय महिला ३३ वर्षीया दिवाजनी पाल पनि पक्राउ परेकी छन् ।
प्रतिक्रिया